Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 944 Hüküm no: 1616 Orijinal metin no: [136a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Evleri üzerlerine yıkılarak vefat eden Zeliha ile torunu Hüseyin’in cesetlerinin tahkiki ve definlerine izin verildiği Ma‘rûz Bi’l-iltimâs kıbel-i şer‘-i şerîfden meb‘ûs Hasan Efendi dâ‘îleri ve Üsküdar Kolluk çorbacısı ve Üsküdar ustası ve sâir mazbûtü’l-esâmî Müslimîn ile medîne-i mezbûrede Toygar Hamza mahallesinde vâki‘ menzil derûnunda vefât eden Zeliha nâm hatun ile mezbûrenin kızı oğlu Hüseyin nâm sagīrin üzerlerine varıp suâl olundukda müteveffiyân-ı mezbûran menzil-i mezkûr derûnunda otururlar iken târih-i i‘lâm günü vakt-i fecrde bi-kazâillâhi te‘âlâ menzil-i mezkûr müteveffiyân-ı mezbûrânın üzerlerine yıkılıp mezbûrânın vefât eylediklerini ba‘de’l-ihbâr ve’l-mu‘âyene definlerine izin verdiğini mezbûr dâ‘îleri mahâllinde ba‘de’t-tahrîr ve’l-inhâ mübâşiri kulları iltimâsıyla huzûr-ı âlîlerine i‘lâm olundu. Fî 21 min-R sene 1207.