Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 945 Hüküm no: 1618 Orijinal metin no: [136b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Halil’in alacağı olduğu iddiasıyla açtığı davada sulh olduğu Ma‘rûz Mahmiye-i İslâmbol hısnı ebvâbından Yenikapı kurbünde sâkin Mehmed b. Halil nâm kimesne medîne-i Üsküdar’da mahfil-i Bâb’da meclis-i şer‘-i hatîrde Yahya b. Mustafa mahzarında mezbûr Yahya târih-i i‘lâmdan altı sene mukaddem ordu-yı hümâyûnda Nezaret nâm mahâlde yedimden iktirâz ve kabz eylediği iki guruş ile bi-tarîki’l-emâne yedine teslîm eylediğim on bir buçuk guruş kıymetli bir tek piştovumu dahi istihlâk etmekle kıymeti olan meblağ-ı merkūm on bir buçuk guruş ki cem‘an on üç buçuk guruş hakkımı taleb ederim deyü eylediği da‘vâsından bâ-tavassut-ı muslihîn sekiz guruş bedel mukābilesinde mezbûr Yahya ile sulh olup ziyâde beş buçuk guruşa müte‘allika âmme-i de‘âvîden mezbûr Yahya’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 29 min-Ra sene 1207.