Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 945 Hüküm no: 1619 Orijinal metin no: [136b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. Hasan’ın sattığı bağ bedelinden alacağı olduğu iddiasını ispatlayamadığı Ma‘rûz Medîne-i Üsküdar’da Vâlide-i Atik mahallesinde sâkin Ömer b. Hasan medîne-i mezbûrede mahfil-i Bâb’da meclis-i şer‘-i hatîrde Mustafa b. Hasan mahzarında mezbûr Mustafa târih-i i‘lâmdan bir sene mukaddem yedimden iştirâ eylediği medîne-i mezbûreye muzâfe Adalar nâhiyesine tâbi‘ Yakacık karyesinde vâki‘ etrâf-ı erba‘ası el-Hâc Feyzullah bağı ve Osman Reis bağı ve Kalyoncu Osman bağı ve tarîk-i hâs ile mahdûd tahmînen bir buçuk dönüm mikdârı bir kıt‘a kürûmu mülk bağ semeninden on beş guruş hakkımı taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olmayıp talebiyle mezbûr Mustafa gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr Mustafa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min-Ra sene 1207.