Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 948 Hüküm no: 1624 Orijinal metin no: [137a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan İstaco’nun dokuz sene baktığı kayınvalidesinin nafakası hususunda her hangi bir alacağı kalmadığı Ma‘rûz Medîne-i Üsküdar’da Salacak mahallesinde vâki‘ bağçede Bağçevân İstoco v. Kolo nâm zimmî medîne-i mezbûrede mahfil-i Bâb’da meclis-i şer‘-i hatîrde Bakkāl Tanaş v. Nikola nâm zimmî muvâcehesinde târih-i i‘lâmdan dokuz sene mukaddem merkūm Tanaş zimmînin bi-şarti’r-rücû‘ emriyle vâlidesi ve hâlâ kayınvâlidem gāibe ani’l-meclis Kantaro nâm Nasrâniyeyi menzilimde dokuz sene infâk edip sinîn-i mezkûrede gāibe-i merkūmenin nafakasına harc ü sarf eylediğim yüz yirmi guruşu merkūm Tanaş zimmî bana def‘ ü teslîm eylediğinde ben dahi yedinden tamamen ahz ü kabz edip merkūm Tanaş zimmînin yed ve zimmetinde bir akçe ve bir habbe hakkım bâkī kalmadı dediğini merkūm Tanaş zimmî tasdîk ve ba‘de’t-tescîl bi’l-iltimâs huzûr-ı âlîlerine i‘lâm olundu. Fî 19 min-R sene 1207.