Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 948 Hüküm no: 1625 Orijinal metin no: [137a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahbube bt. Abdullah’ın mehir ve nafaka bedelinden alacağı olduğu Ma‘rûz Medîne-i Üsküdar’da Evliyâhoca mahallesinde sâkine mu‘arrefetü’z-zât Mahbube bt. Abdullah nâm hatun medîne-i mezbûrede mahfil-i Bâb’da meclis-i şer‘-i hatîrde zevc-i mutallıkı Mehmed Tâhir b. Hüseyin mahzarında ben mezbûr Mehmed Tâhir’in sekiz guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan iki ay mukaddem beni tatlîk etmekle zimmetinde mütekarrir ve ma‘kūdün-aleyh olan mârrü’z-zikr sekiz guruş mehr-i müeccelim ile nafaka-i iddet-i ma‘lûme ve meûnet-i süknâmı taleb ederim deyü ba‘de’d-da‘vâ ve’l-istintâk ve’l-ikrâr mûcibiyle mehr-i mezkûr sekiz guruşun edâsıyla ba‘de’l-ilzâm nafaka-i iddet-i ma‘lûme ve meûnet-i süknâsı için dahi iki guruş üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 15 min-Ra sene 1207.