Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 950 Hüküm no: 1628 Orijinal metin no: [137a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Feyzullah b. Ahmed’in geçersiz olduğu anlaşılan şartlı satışla eski karısından satın aldığı eşyalarını iade etmeye söz verdiği Ma‘rûz Medîne-i Üsküdar’da Kādıasker mahallesinde sâkine mu‘arrefetü’z-zât Havva bt. Mehmed nâm hatun medîne-i mezbûrede mahfil-i Bâb’da meclis-i şer‘-i hatîrde zevc-i muhâlı‘ı Feyzullah b. Ahmed mahzarında mezbûr Feyzullah ile zevciyet beynimizde kāime iken beni ölünce[ye dek] görüp gözetmek şartıyla emlâkimden iki yasdık ve bir yorgan ve iki baş yasdığı ve bir tennûr kebemi mezbûr Feyzullah’a bi-safkatin vâhidetin bâ-hüccet-i şer‘iye on guruşa bey‘ ve temlik ol dahi ber-vech-i muharrer iştirâ ve temellük ve kabûl ve semeni mutâlebesinden dahi zimmetini ibrâ etmişdim eşyâ-i muharrere-i mezkûrenin hâlâ yedinde a‘yânı mevcûd olmağla şart-ı mezkûrun fesâdına binâen taleb ederim deyü da‘vâ ve mezbûr Feyzullah dahi ber-vech-i muharrer ikrâr ü i‘tirâf edip eşyâ-i muharrere-i mezkûreyi bi-a‘yânihim müdde‘iye-i mezbûreye mezbûr Feyzullah teslîme ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 4 min-Şa‘bân sene 1206.