Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 951 Hüküm no: 1631 Orijinal metin no: [137b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe’nin emanetinde olan elli kuruş kıymetindeki eşyalarını kendisine iade etmesi talebiyle İbrahim b. Hacı Mustafa aleyhine açtığı davada iddiasını ispat edemediği Ma‘rûz Medîne-i Üsküdar’da Koltuk Hanı’nda sâkin Ali Beşe b. Abdullah meclis-i şer‘-i hatîrde İbrahim b. el-Hâc Mustafa mahzarında mezbûr İbrahim târih-i i‘lâmdan altı ay mukaddem İyneada İskelesi’nde mezbûr İbrahim’in sefînesi reisi olup hâlik olan Olaki zimmî yedine emâneten teslîm eylediğim eşyâ-i memlûkemden mecmû‘-ı kıymetleri elli guruşa bâliğ bir çuka şalvar ve bir gömlek ve kırmızı aba başlık ve iki uçkur ve iki çift çorab ve bir esâme ibtidâmı hayatında bana îsâl için mezbûr İbrahim Ağa’ya teslîm edip ol-vechile zimmetinde kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olmayıp talebiyle mezbûr İbrahim gıbbe’t-tahlîfi’ş-şer‘î mûcibiyle müdde‘î-i mezbûr Ali husûs-ı mezkûrda mezbûr İbrahim’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min- L sene 1206.