Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 955 Hüküm no: 1639 Orijinal metin no: [138a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeynep bt. Mehmed’in başka birisiyle evlenmesi üzerine yanında bulunan küçük kızı Zeliha’nın babaannesine teslimine karar verildiği Ma‘rûz Medîne-i Üsküdar’da Selami mahallesinde sâkine ve zâtı mu‘arrefe Hafîze bt. Hüseyin nâm hatun meclis-i şer‘-i hatîrde kezâlik zâtı mu‘arrefe Zeyneb bt. Mehmed nâm hatun mahzarında işbu hâzıra bi’l-meclis oğlum es-Seyyid Hüseyin’in firâşından hâsıla ve zevce-i mutallakası mezbûre Zeyneb Hatun’dan mütevellide olan Zeliha nâm sagīreyi vâlidesi mezbûre Zeyneb Hatun bi-hakkı’l-hıdâne terbiye ve imsâk üzere iken nefsini sagīre-i mezbûreye ecnebîye tezvîc edip ol-vechile hakk-ı hıdâne kendiden sâkıt olup ben sagīre-i mezbûrenin babasının anası olup yedimde olan fetvâ-yı şerîfe mûcebince sagīre-i mezbûrenin hakk-ı hıdânesi benim olmağla sagīre-i mezbûre Zeliha’yı bana teslîme vâlidesi mezbûre Zeyneb Hatun’a tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî sagīre-i mezbûreyi ceddesi mezbûre Hafîze Hatun’a teslîme mezbûre Zeyneb Hatun’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 24 Ca sene 1207.