Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 956 Hüküm no: 1641 Orijinal metin no: [138a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Hüseyin’in ikrarı üzere karısından aldığı para ile bir saati iade etmesi gerektiği Ma‘rûz Medîne-i Üsküdar’a tâbi‘ Viran karyesinde sâkine ve zâtı mu‘arrefe Fatıma bt. Mehmed nâm hatun medîne-i mezbûrede mahfil-i Bâb’da meclis-i şer‘-i hatîrde hâlâ zevci el-Hâc Hüseyin b. Mehmed mahzarında mezbûr el-Hâc Hüseyin târih-i i‘lâmdan beş ay mukaddem yedimden istidâne ve kabz ve umûruna sarfla istihlâk eylediği yirmi guruş ile âhara rehin vaz‘ etmek için emlâkimden olup yedimden kabz eylediği bir aded hilalî sâ‘atimi taleb ederim deyü da‘vâ ol dahi cevâbında ancak beş guruş ile sâ‘ati ahzını ikrâr ziyâde müdde‘âsı olan on beş guruşu inkâr etmeğin müdde‘iye-i mezbûre ber-vech-i muharrer ziyâde müdde‘âsını beyân ve isbâta kādire olamayıp bi’t-taleb mezbûr el-Hâc Hüseyin gıbbe’t-tahlîfi’ş-şer‘î mûcibiyle müdde‘iye-i mezbûre ziyâde müdde‘âsı için mu‘ârazadan ba‘de’l-men‘ mertebe-i ikrârı olan beş guruş ile zikr olunan sâ‘ati müdde‘iye-i mezbûre Fatıma Hatun’a teslîme mezbûr el-Hâc Hüseyin’e şer‘an tenbîh olunduğu bi’l-iltimâs huzûr-ı [âlîlerine] i‘lâm olundu. Fî 2 min-Muharrem sene 1207.