Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 956 Hüküm no: 1642 Orijinal metin no: [138b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi İsmail’in sattığı ekmek bedelinden alacağı olduğu Ma‘rûz Medîne-i Üsküdar’da Çavuşbaşı kurbünde Etmekci İsmail b. Ahmed medîne-i mezbûrede mahfil-i Bâb’da meclis-i şer‘-i hatîrde Ahmed b. Osman mahzarında mezbûr Ahmed târih-i i‘lâmdan bir buçuk sene mukaddem bi’d-defa‘ât yedimden iştirâ ve kabz eylediği nân-ı azîz semeninden otuz beş guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm otuz beş guruşun edâsıyla mezbûr Ahmed şer‘an ilzâm olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî-selhi Rebî‘ülâhir sene 1207.