Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 477 Hüküm no: 549 Orijinal metin no: [114a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Veli’nin kardeşinden kalan Mushaf için Hafız İsmail üzerine açtığı davada haksız olduğu Ma‘rûz. Merhûm Sultan Ahmed Hân -tâbe serâhu- türbesinde sâkin iken vefât eden Molla Mehmed’in karındaşı ve hasren vârisi el-Hâc Veli meclis-i şer‘de sâhib-i arzuhâl Hâfız İsmail’den karındaşım müteveffâ-i mezbûrun terekesinden on iki guruş hediyeli bir Mushaf-ı şerîfini mezbûr Hâfız İsmail bi-gayr-ı hakkın ahz u kabz etmekle taleb ederim deyü da‘vâ ve mezbûr Hâfız İsmail cevâbında müteveffâ-i mezbûr zikrolunan Mushaf-ı şerîfi maraz-ı mevtinde bana teslîm ve sülüsü dahi zikrolunan on iki guruşa müsâ‘iddir deyü def‘ edicek mezbûr el-Hâc Veli ikrâr u i‘tirâf etmeğin mûcebince mezbûr el-Hâc Veli bî-vech mu‘ârazadan men‘ olunmuşdur. Fermân hazret-i veliyyü’l-emrindir. Fî-gurreti Cemâziyelevvel sene [1]143.