Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 481 Hüküm no: 559 Orijinal metin no: [114b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küretünnühas kazası emini iken Salih Beşe’den haksız yere aldığı parayı iâdeye Mehmed’e tenbih olunduğu Ma‘rûz. Kollukçu İbrahim Beşe mübâşeretiyle ihzâr-ı şer‘ olunan Mehmed’den hasmı Salih Beşe meclis-i şer‘de mezbûr Mehmed muvâcehesinde mezbûr Mehmed târih-i i‘lâmdan üç sene mukaddem Küretü’n-nuhâs kazâsında emîn iken beni zulmen yirmi yedi gün habsedip doksan dört guruşumu bi-gayr-ı hakkın ahz u kabz etmişidi deyü ba‘de’d-da‘vâ ve’l-inkâr müdde‘î-i mezbûr müdde‘âsını şuhûd-ı udûlle mezbûr Mehmed muvâcehesinde vech-i şer‘î üzere isbât etmeğin mûcebince meblağ-ı mezbûr doksan dört guruşu müdde‘î-i mezbûra edâya mezbûr Mehmed’e tenbîh olunduğu huzûr-ı âlîlerine i‘lâm olundu. Fî 4 Cumâdelûlâ sene [1]143.