Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 482 Hüküm no: 561 Orijinal metin no: [115a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Afife bt. Ahmed’in yapılan muayenesi sonucu vücudunda herhangi bir yara izine rastlanmadığı Ma‘rûz. Cebecibaşı tarafından ta‘yîn olunan Kollukçu Hüseyin Beşe mübâşeretiyle <> Mahmiye-i İstanbul’da İbrahimçavuş Mahallesi’nde sâkine olup bundan akdem vefât eden Afîfe bt. Ahmed’in sâbıkā dâmâdı Ahmed Beşe’nin talebiyle müteveffât-ı mezbûreyi keşif için kıbel-i şer‘den irsâl olunan Mevlânâ es-Seyyid Mustafa Efendi mahalle-i mezbûreye varıp Mahallesi imâmı Hasan Efendi ve müezzini el-Hâc Mehmed ve ahâlîsinden on nefer Müslimîn ile müteveffât-ı mezbûrenin sadriye kızı Hadice Hatun ve mahalle-i mezbûre sâkin[e]lerinden Havvâ bt. Receb ve Âişe b. Abdullah ve diğer Hadice bt. Ahmed nâm hatunlar müteveffât-ı mezbûrenin a‘zâsını ba‘de’l-keşf ve’l-mu‘âyene eser-i cerhden bir nesne olmayıp hatfe enfihî vefât eylediğini her biri ihbâr ettiklerini mevlânâ-yı mezbûr mahallinde tahrîr ve ma‘an ba‘s olunan ümenâ-i şer‘le meclis-i şer‘a gelip inhâ eylediği huzûr-ı âlîlerine i‘lâm olundu. Fî 4 Cumâdelûlâ sene [1]143.