Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 490 Hüküm no: 576 Orijinal metin no: [117a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Ağa’ya Artin’e olan borcunu ödemesinin tenbih olunduğu Ma‘rûz. Arzuhâl eden Artin zimmî meclis-i şer‘de hasmı derûn-ı arzuhâlde mezkûr İbrahim Ağa’dan bundan akdem yedinden müşteri ve makbûz emti‘a-i mütenevvi‘a semenlerinden ba‘de külli’l-hesâb yüz yetmiş guruş mezbûr İbrahim Ağa zimmetinde hakkım bâkī kalmağın meblağ-ı bâkī-i mezbûru taleb ederim deyü da‘vâ ve mezbûr İbrahim Ağa ikrâr u i‘tirâf etmeğin mûcebince meblağ-ı bâkī-i mezbûr yüz yetmiş guruşu müdde‘î-i mezbûra edâ ve teslîme mezbûr İbrahim Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fermân men-lehü’l-emrindir. Fî 9 Cumâdelûlâ sene [1]143.