Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 500 Hüküm no: 599 Orijinal metin no: [119a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hırsızlık iddiasının ispat edilemediği Ma‘rûz. Derûn-ı arzuhâlde mezkûretü’l-ism Fâtıma Hatun meclis-i şer‘de sâhibe-i arzuhâl Fâtıma Hatun ile sadriye kebîre kızı Hadice nâm bikr-i bâliğadan ber-mûceb-i defter-i müfredât eşyâ-i ma‘lûmemi bundan akdem menzilimden hufyeten ve bi-gayr-ı hakkın ahz u kabz eylemişler idi deyü da‘vâ ve müdde‘âsını isbâtdan izhâr-ı acz ile istihlâf ettikde mezbûretân Fâtıma ve Hadice’ye tahlîf-i şer‘î ile ba‘de’t-tahlîf mûcebince müdde‘iyye-i mezbûre Fâtıma bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 24 Cumâdelûlâ sene [1]143.