Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 500 Hüküm no: 600 Orijinal metin no: [119a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un hırsızlık iddiasını ispat edemediği Ma‘rûz. Kapıkethüdâsı Salih Beşe kulları mübâşeretiyle ihzâr-ı şer‘ olunan Hanife Hatun’dan hasmı Fâtıma Hatun meclis-i şer‘de mezbûre Hanife Hatun bundan akdem Veled-i Karabaş Mahallesi’nde vâki‘ menzilime duhûl ve bi-gayr-ı hakkın ber-mûceb-i defter-i müfredât eşyâ-i ma‘lûmemi hufyeten ahz u kabz etmekle eşyâ-i mezkûre mevcûd ise a‘yânın müstehleke ise ba‘de’s-sübût kıymet-i şer‘iyyelerin taleb ederim deyü ba‘de’d-da‘vâ ve’l-inkâr müdde‘iyye-i mezbûre müdde‘âsını isbâtdan izhâr-ı acz ile istihlâf ettikde mezbûre Hanife tahlîf-i şer‘î ile tahlîf olunmağın mûcebince mezbûr müdde‘iyye-i mezbûre bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 24 Cumâdelûlâ sene [1]143.