Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 500 Hüküm no: 601 Orijinal metin no: [119a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olunduğu Ma‘rûz. Sâhib-i arzuhâl Nikola nâm zimmîden hasmı Asemi Reis ber-mûceb-i temessük yirmi beş guruş hakkını da‘vâ eyledikde ol dahi ikrâr edip mukābelesinde mezbûrun sefînesine kireç tahmîl etmişidim te‘addî ve taksîrinden nâşî bin beş yüz kantar kireç zâyi‘ ve telef olmuşdur deyü tazmînini iddi‘â eyledikde beynlerinde nizâ‘-ı küllî cereyânından sonra muslihûn tavassutuyla mezbûr Asemi Reis da‘vâ-yı mezkûresinden on beş buçuk guruş bedel-i makbûza sulh olup mâ‘adâya müte‘allika âmme-i da‘vâdan her biri âharın zimmetini ibrâ ve iskāt eylediği ba‘de’t-tescîl huzûr-ı âlîlerine i‘lâm olundu. Fermân men-lehü’l-emrindir. Fî 25 Cumâdelûlâ sene [1]143.