Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 501 Hüküm no: 603 Orijinal metin no: [119b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ev tahliyesi tenbihi Ma‘rûz. Derûn-ı arzuhâlde mezkûr el-Hâc Osman b. Mehmed meclis-i şer‘de sâhib-i arzuhâl Ali b. Mehmed mahzarında hâlâ bi’l-icâreteyn taht-ı tasarrufumda olup Firuz Ağa Câmi‘-i şerîfi kurbünde vâki‘ bir bâb odada şehriye müstecirim olup lâkin oda-i mezbûrun bana lüzûmu olmağla târih-i i‘lâm şehri hitâmında tahliyye ve bana teslîme tenbîh olunmak matlûbumdur deyü da‘vâ eyledikde ol dahi ikrâr u i‘tirâf etmeğin mûcebince oda-i mezkûru ba‘de’t-tahliyye şehr-i mezkûr hitâmında müdde‘î-i mezbûra teslîme mezbûr Ali’ye tenbîh olunduğu huzûr-ı âlîlerine i‘lâm olundu. Fî 28 Cumâdelûlâ sene [1]143.