Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 502 Hüküm no: 604 Orijinal metin no: [119b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nafaka ödenmesi tenbihi Ma‘rûz. Sâhib-i arzuhâl Emetullah Hatun meclis-i şer‘de hâlâ zevc-i dâhili el-Hâc Mustafa mahzarında mezbûr el-Hâc Mustafa beni bilâ-nafaka terk edip diyâr-ı âhara gitmekle ben dahi zevcim mezbûr üzerine kıbel-i şer‘den beher yevm dörder para farz ve takdîr ettirmişidim işbu yedimde olan hüccet-i şer‘iyye mantûkunca târih-i i‘lâma gelinceye değin nafaka-i mefrûza-i müstedânemden yirmi bir ayda altmış üç guruş müctemi‘ olmağla hâlâ meblağ-ı mezbûru zevci[m] mezbûr el-Hâc Mustafa’dan taleb ederim deyü da‘vâ eyledikde ol dahi ikrâr etmeğin mûcebince meblağ-ı mezbûrun edâsıyla mezbûr el-Hâc Mustafa ilzâm olunduğu huzûr-ı âlîlerine i‘lâm olundu. Fî selhi Cumâdelûlâ sene [1]143.