Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 505 Hüküm no: 612 Orijinal metin no: [120a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Firuz Ağa Camii’nin imamlığına Ali’nin getirilmesi talebi Ma‘rûz. Derûn-ı arzuhâlde mezkûr Firuz Ağa Câmi‘-i şerîfinin cemâ‘atinden otuzdan mütecâviz kimesneler meclis-i şer‘a gelip câmi‘-i mezbûrun imâmı İbrahim Efendi fevt oldukda sulbî oğlu Mehmed hayâtdan iken âhardan Mehmed b. Mustafa nâm kimesne bir takrîb ile imâmet-i mezkûreyi kendi üzerine ettirip ba‘dehû oğlu diğer Mehmed fâriğ olup lâkin mezbûr diğer Mehmed fâsık olup kendiden iktidâdın istikrâh ederiz deyü her biri haber [verip] ve imâm-ı sâbık İbrahim Efendi’nin oğlu Mehmed fevt olmağla oğlunun oğlu Ali her vechile mahal ve müstahik olduğu ecilden imâmet-i mezkûre mezbûr Ali dâ‘îlerine tevcîh ve inâyet buyrulmasını iltimâs eyledikleri huzûr-ı âlîlerine i‘lâm olundu. Fî 4 Cumâdelâhire sene [1]143.