Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 505 Hüküm no: 613 Orijinal metin no: [120a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Yakub’un borcunu ödemesi için tenbih olunduğu Ma‘rûz. Sâhib-i arzuhâl Ali meclis-i şer‘de hasmı derûn-ı arzuhâlde mezkûrü’l-ism el-Hâc Ya‘kub muvâcehesinde mezbûr el-Hâc Ya‘kub zimmetinde cihet-i kefâletden ber-mûceb-i temessük dört yüz kırk guruş hakkım olmağla taleb ederim deyü da‘vâ eyledikde ol dahi ikrâr u i‘tirâf etmeğin mûcebince meblağ-ı mezbûru bi-hükmi’l-kefâle müdde‘î-i mezbûr Ali Çelebi’ye edâ ve teslîme mezbûr el-Hâc Ya‘kub’a tenbîh olunduğu mübâşirleri Süleyman Çavuş iltimâsıyla huzûr-ı âlîlerine i‘lâm olundu. Fî 6 Cumâdelâhire sene [1]143.