Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 505 Hüküm no: 614 Orijinal metin no: [120b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çivizâde Ümmügülsüm Hatun Mescidi’nin imamı ve müezzinine Ahyolu mukataasından vazife tayini Ma‘rûz. İstanbul’da Davudpaşa kurbünde Sultan Bayezid-i Cedîd Mahallesi’nde vâki‘ derûn-ı derkenârda mezkûr merhûm Çivizâde duhteri Ümmügülsüm Hatun Mescid-i şerîfinde imâm ve müezzin olanların bir mahalde n bir akçe vazîfeleri olmayıp mescid-i mezbûrda kadîmden berü imâm ve müezzin olanlar hasbî edâ-yı hizmet ettiklerini ahâlî-i mahalle-i mezbûreden cemm-i gafîr Müslimîn meclis-i şer‘de ba‘de’l-ihbâr yine mahalle-i mezbûre ahâlîsinden el-Hâc Mustafa Halîfe b. Mustafa nâm kimesne tedârik eylediği yevmî on akçe vazîfesinin yevmî altı akçe vazîfesini mescid-i mezbûrda hâlâ imâm olan Ahmed Halîfe dâ‘îlerine ve yevmî dört akçesini müezzin olan Mustafa Halîfe dâ‘îlerine ta‘yîn ve Ahyolu memlehası mukāta‘a mâlından almak üzere tahsîs ve ber-vech-i muharrer defter-i huddâma kayd buyrulmak ricâsında olmalarıyla husûs-ı mezbûr emr-i savâb idiği bi’l-iltimâs huzûr-ı âlîlerine i‘lâm olundu. Fermân hazret-i veliyyü’l-emrindir. Fî 6 Cemâziyelâhir sene [1]143.