Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 506 Hüküm no: 615 Orijinal metin no: [120b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koğacı Dede Vakfı’na olan borcunu ödemesi için Mustafa Beşe’ye tenbih olunduğu Ma‘rûz. Kapıkethüdâsı el-Hâc Abdullah mübâşeretiyle ihzâr-ı şer‘ olunan Mustafa Beşe’den Koğacı Dede Vakfı’na bi’l-fi‘il mütevellî olan Mahmud Ağa meclis-i şer‘de vakf-ı mezbûra sâbıkā mütevellî olan gāib ani’l-meclis el-Hâc Ali zimmetinde ber-mûceb-i temessük vakfı mezbûra deyni olan yüz kırk yedi buçuk guruşa mezbûr Mustafa Beşe kayın atası olmağla bi’l-emr ve’l-kabûl kefâlet-i sahîha ile kefîl olmağın bi’t-tevliye kefâlet-i mezkûresine binâen meblağ-ı mezbûru taleb ederim deyü bi’d-da‘vâ ve’l-inkâr mütevellî-i mezbûr müdde‘âsını şuhûd-ı udûlle isbât etmeğin mûcebince meblağ-ı mezbûr yüz kırk yedi buçuk guruşu bi-hükmi’l-kefâle müdde‘î-i mezbûr mütevellîye edâ ve teslîme mezbûr Mustafa Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 6 Cemâziyelâhir sene [1]143.