Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 517 Hüküm no: 638 Orijinal metin no: [123a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb Hatun’un Haydar Ağa Vakfı’na ait evin tasarrufunu bedel-i mislinden aşağı devrettiği iddiasının doğru olmadığı Ma‘rûz. Sâhibe-i arzuhâl Zeyneb Hatun Yenibahçe kurbünde Karabaş Mahallesi’nde vâki‘ Haydar Ağa Vakfı’ndan bi’l-icâreteyn taht-ı tasarrufundan olan menzili derûn-ı arzuhâlde mastûrü’l-ism Sâliha Hatun’a altmış beş guruş bedel-i misli var iken bâ-ma‘rifet-i mütevellî elli altı guruş bedel-i makbûza ferağ ve kasr-ı yed etmişidim deyü da‘vâ ve menzil-i mezkûrun bedel-i misli elli altı guruş idiğini câr-ı mülâsıklarından Mehmed Beşe b. Hüseyin ve Ahmed b. Mehmed ve Ömer b. Süleyman ve Halil b. Süleyman ihbâr etmeğin mezbûre Zeyneb bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 17 Cumâdelâhire sene [1]143.