Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 517 Hüküm no: 639 Orijinal metin no: [123a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kızı Hadice hakkında açılan davanın meşru olmadığı Ma‘rûz. Sâhib[e]-i arzuhâl Âişe derûn-ı arzuhâlde mezkûr es-Seyyid Abdulkādir ve Hanife Hatun ile ba‘de’l-murâfa‘a mezbûrlar kebîre kızım Hadice’yi refâkaten âhar diyâra gidip hâlâ mezbûre Hadice’nin hayât ve memâtı ma‘lûm değildir deyü da‘vâ sadedinde olup lâkin Hadice kebîre olup mevti ma‘lûm olmamağla müdde‘iyyenin bir vechile da‘vâsı meşrû‘ olmadığından mâ‘adâ bundan akdem Ahî Çelebi Mahkemesi’nde dahi mezbûrlar murâfa‘a olunduklarında yine müdde‘iyye-i mezbûre mu‘ârazadan men‘ olunmağla yine ber-vech-i meşrûh bî-vech mu‘ârazadan men‘ olunuduğu huzûr-ı âlîlerine i‘lâm olundu. Fermân men-lehü’l-emrindir. Fî 18 Cumâdelâhire sene [1]143.