Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 517 Hüküm no: 640 Orijinal metin no: [123a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasının ispatlanamadığı Ma‘rûz. Muhzır Salih mübâşeretiyle ihzâr-ı şer‘ olunan Osman Bey’den hasmı Bostanî Mehmed meclis-i şer‘de mezbûr Osman bir husûsun temşiyyeti’çün gāib ani’l-meclis Mustafa’ya bi-şartü’r-rücû‘ yüz guruş ver deyü bana emredip ben dahi emr-i mezkûruna binâen ancak otuz iki buçuk guruş kıymetli bir sa‘atimi mezbûr Mustafa’ya def‘ ve teslîm etmemle semen-i mezbûru taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını isbâtdan izhâr-ı acz edip tahlîfe dahi taleb olmamağın mezbûr Bostanî Mehmed bî-vech bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 17 Cumâdelâhire sene [1]143.