Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 518 Hüküm no: 642 Orijinal metin no: [123b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasının ispat edilemediği Ma‘rûz. Sâhib-i arzuhâl Ahmed meclis-i şer‘de derûn-ı arzuhâlde mezkûrü’l-ism İbrahim muvâcehesinde târih-i i‘lâmdan yirmi iki ay mukaddem Rumeli’nde Vidin vâlîsi olan Osman Paşa hizmetinde iken mezbûr İbrahim Niğbolu ahâlîsinden Halil nâm kimesnenin senin zimmetinde elli guruş hakkı vardır deyü üzerime şer‘an nesne lâzım gelmemeksizin elli guruşumu ahz ve yine husûs-ı mezkûr için mübâşiriyye nâmıyla elli guruş ki cem‘an yüz guruşumu bi-gayr-ı hakkın ahz eyledi deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmamağla mezbûr İbrahim bi’t-taleb tahlîf-i şer‘î ile ba‘de’t-tahlîf mûcebince müdde‘î-i mezbûr Ahmed bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 20 Cumâdelâhire sene [1]143.