Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 521 Hüküm no: 647 Orijinal metin no: [124a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koçi ve Sirem arabacıları kethüdalığına Mehmed’in tayini talebi Ma‘rûz. Derûn-ı telhîsde mezkûr koçi ve Sirem arabacılar kethüdâlığı kadîmden berü bir idiğini koçi arabacılarından el-Hâc Süleyman ve Mustafa Çelebi ve es-Seyyid Mehmed ve Mehmed Çelebi ve diğer Mehmed ve diğer Mustafa ve Ahmed Beşe ve Hasan Çelebi ve âhar Mustafa Çelebi ve Sirem arabacılarından Halil Beşe ve Süleyman ve İbrahim ve Mustafa Beşe ve Ali Beşe ve diğer İbrahim ve Abdullah ve Kul Mustafa ve Osman Beşe ve diğer Ali Beşe ve Çalık İbrahim ve sâirleri mârru’z-zikr kethüdâlık bundan akdem hazîne-mânde eylediği yevmî kırk akçe ulûfesi mukābelesinde sâhib-i arzuhâl Mehmed’in bâ-berât-ı âlîşân üzerinde iken yeniçeriyândan Ahmed zorbalar tâifesine istinâd ile ol vakitde kādı olan İbrahim Efendi i‘lâmıyla bilâ-mûceb azl ve üzerine berât ettirip gadretmeğin mezbûr Mehmed’in evzâ‘ ve etvârından her biri râzı ve şâkir olup hüsn-i hâlini meclis-i şer‘de ihbâr etmeleriyle mezbûr Yeniçeri Ahmed’in ref‘inden zikrolunan kethüdâlık kemâ-kân ma‘an mezbûr Mehmed dâ‘îlerine tevcîh ve ibkā ve yedine emr-i âlî ihsân buyrulmak ricâsında oldukları huzûr-ı âlîlerine i‘lâm olundu. Fî 23 Cumâdelâhire sene [1]143.