Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 527 Hüküm no: 662 Orijinal metin no: [125b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Bey’in inşa ettiği evin pencerelerinin kaldırılmasının tenbih olunduğu Ma‘rûz. Sâdır olan fermân-ı âlîlerine imtisâlen keşif nâibimiz Mevlânâ Yusuf Efendi dâ‘îleri irsâl olunup ol dahi hâssa mi‘mârlarından Ali Halîfe ile derûn-ı arzuhâlde mezkûr mahall-i nizâ‘ın üzerine varıp huzûr-ı Müslimînde akd meclis-i şer‘de sâhibe-i arzuhâl Hadice Hatun’[un] câr-ı mülâsıkı Ahmed Bey muvâcehesinde ba‘de’l-murâfa‘a işbu mezbûr Ahmed Bey’in binâ eylediği odasının şehnişîn penceresi ve dehlîzinde ziyâ için ihdâs eylediği iki aded pencereleri benim menzilimin makarr-ı nisvân olan mahalline nâzır olmağla zararı vardır deyü da‘vâ ba‘de’l-mu‘âyene ber-vech-i meşrûh makarr-ı nisvân olan mahalline nazar ile zarar-bînî olduğu lede’ş-şer‘ zâhir olmağla mârru’z-zikr üç aded pencerenin zarar-ı mezkûrunu def‘e mezbûr Ahmed Bey’e tenbîh eylediğini mevlânâ-yı mezbûr inhâ eylediği huzûr-ı âlîlerine i‘lâm olundu. Fî 10 Cumâdelâhire sene [1]143.