Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 528 Hüküm no: 665 Orijinal metin no: [126a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Handaki odayı boşatması için İstavriye tenbih olunduğu Ma‘rûz. Ma‘rûz-ı dâ‘î-i devletleridir ki derûn-ı arzuhâlde mezkûrü’l-ism olan Murtaza meclis-i şer‘de sâhib-i arzuhâl İstavri zimmî muvâcehesinde hâlâ bi’l-icâreteyn Kadırga limanı kurbünde vâki‘ Payzen Hanı’nda bir bâb odaya şehriye müsteciri olup lâkin mezkûrun bana lüzûmu olmağla târih-i i‘lâmdan şehr-i tamamında tahliye ve bana teslîme tenbîh olunmak matlûbumdur deyü da‘vâ eyledikde ol dahi ikrâr u i‘tirâf etmeğin mûcebince oda-i mezkûru ba‘de’t-tahliyye şehr-i mezkûr hitâmında müdde‘î-i mezbûra teslîme merkūm İstavri zimmîye tenbîh olunduğu huzûr-ı âlîlerine i‘lâm olundu. Bâkī emr sultanımındır. Fî ( ) Cumâdelâhire sene [1]143.