Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 532 Hüküm no: 674 Orijinal metin no: [127a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aldığı para ve eşyanın bedelini ödemesi için Kasım b. Ahmed’e tenbihte bulunulduğu Ma‘rûz. Sâhib-i arzuhâl Mehmed, Kasım b. Ahmed ile ba‘de’l-murâfa‘a mezbûr Kasım bin yüz kırk iki senesi Ramazanı’nda Kars-ı Zülkadriye sancağı mütesellimi el-Hâc Ebûbekir’in kethüdâsı iken bi-gayr-ı hakkın cebren kırk dört guruş nakd ve yirmi altı guruş kıymetli iki kilim ve altı buçuk guruş kıymetli bir top kumaş ve iki guruş kıymetli bir çizme ki cem‘an yetmiş dokuz buçuk guruş kıymetli eşyâ ve nakdimi almışidi deyü da‘vâ ve mezbûr Kasım inkâr etmekle müdde‘î-i mezbûra müdde‘âsını udûl-i Müslimînden Ali Sipâhî b. Osman ve es-Seyyid Mustafa b. Ali şehâdetleriyle muvâcehesinde vech-i şer‘î üzere isbât etmekle ba‘de’t-ta‘dîl ve’t-tezkiye meblağ-ı mezbûr yetmiş dokuz buçuk guruşu müdde‘î-i mezbûra edâ ve teslîme mezbûr Kasım’a tenbîh olunduğu huzûr-ı âlîlerine i‘lâm olundu. Bâkī fermân men-lehü’l-emrindir. Fî 11 min-Recebi’l-ferd sene [1]143.