Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 63 Hüküm no: 55 Orijinal metin no: [11a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kestahon v. Agob’un yarım hisse evini kardeşine sattığı Medîne-i Üsküdar’a muzâfe Adalar nâhiyesine tâbi‘ Kartal kasabasında mütemekkin Kestahon? v. Agob zimmî meclis-i şer‘-i hatîr-i lâzimü’t-tevkīrde li-ebeveyn er karındaşı işbu râfi‘ü’r-rakīm Markos zimmî muvâcehesinde ikrâr ve takrîr-i kelâm edüp kasaba-i mezbûrda vâki‘ etrâf-ı erba‘ası Vartan zevcesi menzili ve benim âhar menzilim ve Karabet Dülger veresesi menzili ve tarîk-i âm ile mahdûd fevkānî iki bâb oda ve tahtında ahır ve bir mikdâr avlu ve kazgan ocağı ve yetmiş zirâ‘ bahçeyi müştemil mülk menzilin nısfı benim olup ve nısf-ı âharı karındaşım merkūmun olmağla el-hâletü hâzihi ben menzil-i mezkûrda olan nısf hissem mukābelesinde yetmiş zirâ‘ bahçeyi ve kazgan ocağını bana ta‘yîn ve tahsîs ve teslîm edüp ben dahi ber-vech-i muharrer ahz ü tesellüm ve kabz u kabûl eyleyüp menzil-i mezkûrun derûnunda vâki‘ bi’r-i mâ ve karındaşım merkūm Markos ile müşterek olmak üzere ta‘ahhüd eyledikden sonra menzil-i mahdûd-ı mezkûrun nısfı karındaşım merkūm Markos zimmînin mülk-i mahzı olmuşdur vechen mine’l-vücûh benim alâka ve medhalim yokdur dedikde kayd. Fî ( ) Recebi’l-ferd sene [1]179 Şuhûdü’l-hâl: Ahmed Efendi, Nalband İbrahim, Duhânî Hasan Beşe, Berber Yahya Beşe, İshak Beşe. Yazıcı Kirkor, Aci Kevork, Yağmuroğlu Mikail, Aci Baron, Bogos v. Bedros, Kabril v. Aci Baron, Ohan v. Marat, İsayi v. Tanaş, Terzi Kevork, Terzi Avakim.