Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 270 Hüküm no: 380 Orijinal metin no: [56a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aye bt. Mehmed’in kocası Mehmed Beşe ile anlaşarak boşandığı (muhâla‘a) Mahmiye-i Kostantıniyye mahallâtından Devezâde Mahallesi’nde sâkine Âişe bt. Mehmed nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb Mehmed Beşe b. Receb nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt bin beş yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Âişe bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’l-hâdî aşere min-Recebi’l-mürecceb li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Rıdvan Beşe b. Abdullah, Pîrî Beşe b. Hüseyin, Muharrem Beşe b. Abdullah, Halil Çelebi b. İsmail, Mehmed Çelebi b. Receb, Rıdvan Beşe b. Abdullah, Hızır Beşe b. Hüseyin ve gayruhum mine’l-huzzâr