Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 275 Hüküm no: 388 Orijinal metin no: [57a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin kölesini azat ettiği Mahmiye-i İstanbul’da Zeyrekbaşı’nda Şahhûbân odalarında sâkin olan İbrahim Beşe [b.] el-Hâc Mehmed nâm kimesne mahfil-i şer‘-i şerîfde kendüye rıkkını mu‘terif olan çatık kaşlı, koyun elâ gözlü, orta boylu, Gürciyyü’l-asl işbu hâfızü’l-kitâb Yusuf b. Abdullah nâm abd-i memlûkü mahzarında ikrâr-ı tâm ve takrîr-i kelâm edip memlûküm mevsûf-ı mezbûr Yusuf’u hasbeten lillâhi te‘âlâ ve hasbeten li-rûhi rasûlihi’l-mu‘allâ ve rağbeten bi-mâ-kāle’n-nebiyyü’l-muhtâr: “Men a‘taka rakabeten mümineten a‘taka’llâhu te‘âlâ bi-külli udvin minhâ udven minhu mine’n-nâr” âzâd ve i‘tâk ve kayd-ı rıkdan ıtlâk eyledim, ba‘de’l-yevm mezbûr Yusuf sâir ahrâr-ı asliyyîn gibi hür olup üzerinde hakk-ı velâdan gayrı hakkım kalmadı dedikde mâ-hüve’l-vâki‘ bi’t-taleb ketb ü sebt olundu. Fi’s-sâmin aşer min-şehri Recebi’l-ferd min-şühûr li-sene erba‘a ve sittin ve elf. Şuhûdü’l-hâl: el-Hâc Mehmed b. el-Hâc Hüseyin, el-Hâc Hüseyin b. el-Hâc Veli, Ebûbekir b. Mahmud, Hasan Çelebi b. Mahmud, Kuşçu Mehmed Ağa b. Abdullah, Mehmed Çavuş somuncubaşı, el-Hâc Mehmed b. el-Hâc Mahmud, el-Hâc Pîrî b. Ahmed, Ali Beşe b. Mehmed ve gayruhum mine’l-huzzâr.