Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 593 Hüküm no: 812 Orijinal metin no: [145b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Samur kürk davasının ispat edilemediği Ma‘rûz-ı dâ‘îleridir ki; Sâhibe-i arzuhâl Ümmügülsüm Hatun zevc-i sâbıkı olup derûn-ı arzuhâlde ism[i] mastûr Ahmed Efendi oğlu Süleyman Bey mahzarında hâzır bi’l-meclis zevc-i sâbıkım Ahmed Efendi’nin bana hibe ve teslîm ve temlîk eylediği sırt samur kürkü oğlu mezbûr Süleyman Bey benden isti‘âre eyledikde ben dahi i‘âre ve tesellüm [teslîm] eylemişidim hâlâ babası merkūm Ahmed Efendi’ye ilbâs etmekle zabt eder deyü da‘vâ eyledikde merkūm Ahmed Efendi hibesini inkâr edip hibeye merkūme Ümmügülsüm Hatun’un şâhidi olmamağla talebiyle merkūm Ahmed Efendi’ye mârru’z-zikr kürkü zevcesi merkūme[ye] hibe etmediğine yemîn verilip bilâ-beyyine mu‘ârazadan men‘ olunmuşdur. Fî 14 min-Zilka‘de sene 1143.