Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 280 Hüküm no: 397 Orijinal metin no: [58b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin Ramazan adlı çocuğa vasi atayıp nafaka takdir ettiği Hâkim-i muvakki‘ sadrı hâze’l-kitâb bi-tevkī‘ihi’ş-şerîfi’l-müstetâb, mahmiye-i Kostantıniyye mahallâtından Hâce Halil Mahallesi’nde sâkin iken bundan akdem fevt olan el-Hâc Osman’ın Ramazan nâm sagīr oğluna, hıfz-ı ahvâli ve müteveffâ-i mezbûr babasından irs-i şerî ile intikal eden emvâlinin zabtı için vasîye ihtiyâcı bulunmasına binâen hâmil-i hâze’r-rakīm Abdi Bey b. Oruç’u vasiyy-i şer‘î nasbetti. O dahi vesâyet-i merkūmeyi kabûl edip hizmet-i lâzimesini edâya müte‘ahhid oldu. Sonra hâkim-i mûmâ-ileyh -esbaga’llâhu ni‘amehû aleyh- Teymur bt. Abdullah nâm annesi ve hâdinesinin talebiyle sagīr-i mezkûrun nafakası, kisvesi ve sâir havâic-i zarûriyesi için, müteveffâ-i mezbûr babasından kendisine irs-i şer‘î ile intikāl eden mallardan alınmak üzere zeyl-i vesîkada muharrer târîhden itibaren râyicü’l-vakt yevmî beş akçe farz ve takdîr etti ve mezbûrenin vakt-i hâcetde istidâne edip lede’z-zafer vasiyy-i merkūma rücû‘ etmesine izin verdi. Cerâ zâlike ve hurrire fî-gurreti Şa‘bâni’l-mu‘azzam li-sene erba‘a ve sittin ve elf. Şuhûdü’l-hâl: Es-sâbikūn