Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 97 Hüküm no: 61 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüsrev Efendi Mescidi eski imâmı ve vakıf evin hasbî mütevellisi İbrahim Efendi’nin görevini imâm Hamza Efendi’ye bıraktığı İşbu derûn-ı hüccetde mezkûr merhûm Hüsrev Efendi nâm sahibü’l-hayrın mescid-i şerîfinde sâbıkā imâm ve merhûm-ı müşârün-ileyhin vakfı ma‘lûmü’l-hudûd menzile ber-mûceb-i hüccet hasbî mütevellî olan İbrahim Efendi b. Ömer nâm kimesne meclis-i şer‘de tevliyet-i mezkûreden kasr-ı yed edip tevliyet-i mezkûre mahlûl olmağın hâlâ mescid-i mezkûrda imâm olan işbu bâ‘isü’l-kitâb Hamza Efendi b. Mustafa mütedeyyin ve müstakīm ve tevliyet-i mezkûre uhdesinden min-külli’l-vücûh gelmeğe kādir idiği zeyl-i kitabda mastûrü’l-esâmî Müslimîn ihbâr etmeleriyle menzil-i mezkûra kıbel-i şer‘den mezbûr Hamza Efendi ber-vech-i muharrer hasbî mütevellî nasb ve ta‘yîn olundukda ol dahi kabûl ve hizmet-i lâzımesin edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâmin min-Şevvali’l-mükerrem li-sene selâse ve erba‘în ve mie ve elf. Şuhûdü’l-hâl: Fahrü’l-kuzât es-Seyyid Yahya Efendi b. Mehmed Efendi, Mustafa Çelebi b. Ömer, Uzun Ali b. Ahmed, Ali Beşe b. Hızır.