Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 122 Hüküm no: 89 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayserili Anastas ile karısının varislerinin, terekeleri elinde bulunduranlardan terekeleri talebi Medîne-i Kayseriye ahâlîsinden iken bundan akdem hâlik olan Anastas v. Roşen ile zevcesi Haton bt. Anastaş nâm hâlike Ermeniler’in sulbî oğulları ve hasren vârisleri olup sinn ü cüssesinin bulûğa tahammülü ve bulûğunu mu‘terif olan mahmiye-i İstanbul’da Kurşunlu Hân’da sâkin Sava nâm Ermeni meclis-i şer‘-i şerîf-i enverde bâ‘isü hâze’s-sifr Safar v. Marat nâm Ermeni muvâcehesinde bi’l-verâse ikrâr ve takrîr-i kelâm edip babam ve anam hâlikân-ı mezbûrânın terekelerine gāibûn ani’l-meclis Yasef ve Kazer ve Kivorg ve Mardiros nâm Ermeniler bi-gayr-ı hakkın vaz‘-ı yed etmeleriyle hâlikân-ı mezbûrânın terekelerini mezbûrûn Ermeniler’den vesâir vâzı‘u’l-yed olanlardan taleb ve da‘vâ ve ahz u kabz ve lede’l-iktizâ sulh ve ibrâya tarafımdan mesfûr Safer’i vekîl ve nâib-i menâb nasb ve ta‘yîn eyledim dedikde ol dahi vekâlet-i mezbûreyi kabûl ve merâsimini edâya ta‘ahhüd ve iltizâm ekmeğin mâ-hüve’l-vâki‘ bi’t-taleb ketb olundu. Fî-selhi Şevval li-sene selâse ve erba‘în mie ve elf. Şuhûdü’l-hâl: Mehmed Beşe b. Osman, Mustafa Beşe b. Osman, Mahmud Çelebi b. Mehmed, Mehmed b. Halil, Berber Ahmed Çelebi b. ( ), Mahmud Çelebi b. Mustafa, Mehmed Çelebi b. Abdullah, Şehban v. Hıdır, İvan v. Marat ve Yasef v. Mosis.