Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 123 Hüküm no: 91 Orijinal metin no: [24b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Beşe’nin cariyesini azat ettiği Rıkka inkıyâdı sebk etmekle ber-vech-i âtî da‘vâya kıbel-i şer‘den me’zûne olan çatık kaşlı kara gözlü orta boylu Acemiyetü’l-asl bâ‘isetü hâzihi’l-vesîka Hanım bt. Abdullah nâm câriye meclis-i şer‘-i şerîf-i enverde kendiye rık olmak üzere vâzı‘u’l-yed olan Yusuf Beşe b. el-Hâc İbrahim nâm kimesne mahzarında üzerine da‘vâ ve takrîr-i kelâm edip târih-i kitâbdan dört ay mukaddem mezbûr Yusuf Beşe beni mâlından tahrîr ve i‘tâk etmekle ben sâir ahrâr-ı asliyât gibi hürre olmuş iken yine mezbûr Yusuf Beşe bana rık olmak üzere bi-gayr-ı hakkın vaz‘-ı yed eder deyü da‘vâ sadedinde iken mezbûr Yusuf Beşe mevsûfe-i mezbûre Hanım’ı bi’t-tav‘i’s-sâf cemî‘ mâlından tahrîr ve i‘tâk ve zümre-i harâyir-i asliyâta ilhâk eyledim. Ba‘de’l-yevm mevsûfe-i mezbûrenin üzerine velâ-i şer‘îden gayri nesne hakkım bâkī kalmadı dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu Fi’l-yevmi’s-sânî min-Zilkâdeti’ş-şerîfe li-sene selâse ve erba‘în ve mie ve elf. Şuhûdü’l-hâl: Mumcu Ahmed Beşe el-mübâşir, Hırkacı Mehmed Beşe b. Mehmed, Kādızâde İbrahim Çelebi du‘âcı, Mehmed Çelebi b. Abdullah tahtacı, Mehmed b. İbrahim, Mustafa b. Mehmed, es-Seyyid Ali Çelebi b. Mehmed, Mustafa Bey b. Ali.