Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 134 Hüküm no: 106 Orijinal metin no: [28a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Afife Hatun’un kocası Ali’nin Selanik’te öldüğü ihbarı Mahmiye-i İstanbul’da Fethiye mahallesi sâkinelerinden işbu bâ‘isü’l-vesîka Afîfe bt. Abdullah nâm hatundan ber-vech-i âtî istihbâr-ı şer‘î sudûrundan sonra udûl-i Müslimînden olup mezbûrenin zâtını ârifân medîne-i Galata’da Kasım Paşa mahallesinde sâkin Mehmed b. Ahmed ve Kulaksız mahallesinde sâkin İbrahim b. Abdünnebi nâm kimesneler li-ecli’l-ihbâr meclis-i şer‘a hâzırân olup istihbâr olunduklarında fi’l-hakīka işbu müstahbire-i mezbûre Afîfe Hatun’un zevci Ali b. Ali b. Abdullah târih-i vesîkadan yedi ay mukaddem medîne-i Selanik’de ticâret vechi üzere sâkin olduğu hâlde bi-emrillâhi te‘âlâ vefât eyledi biz cenâzesine hazır olduk ve defn eyledik deyü her biri alâ-tarîkı’ş-şehâde ihbâr etmeğin hıfzan li’l-makāl mâ-vaka‘a bi’t-taleb ketb olundu. Fi’l-yevmi’s-sâmin min-şuhûri Zilka‘deti’ş-şerîfe li-sene selâse ve erba‘în ve mie ve elf. Şuhûdü’l-hâl: Çukadâr Mehmed Ağa b. Alemşah, Mehmed Çelebi b. Ali, Ahmed Çelebi b. Mustafa, Mehmed Çelebi b. Abdullah, İbrahim Çelebi b. Mustafa, Ahmed Çelebi b. Hasan.