Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 285 Hüküm no: 407 Orijinal metin no: [59b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yasemin bt. Abdullah’ın kocası Himmet ile anlaşarak boşandığı (muhâla‘a) Mahmiye-i Kostantıniyye mahallâtından Hâce Halil Mahallesi’nde sâkine Yasemin bt. Abdullah nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup bâ‘is-i hâze’l-kitâb Himmet b. Abdurrahman nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt dört yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Yasemin bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’s-sâbi‘ ve’l-ışrîn min-Recebi’l-mürecceb li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Rıdvan Beşe b. Abdullah, Hüseyin Beşe b. Mehmed, Ahmed Beşe b. Ali, Ali Beşe b. Çukadâr ve gayruhum mine’l-hâzırîn