Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 181 Hüküm no: 168 Orijinal metin no: [42a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Ağa ve karısı Ayşe Hatun’un evinde eşyası kaldığı iddiasında bulunan Hadîce Hatun’un davadan vazgeçtiği İbrâ. Mahmiye-i İstanbul’da Şehzâde kurbünde Solak odalarında sâkine olup zâtı ta‘rîf-i şer‘î ile ârifân Mehmed Çelebi b. Ahmed ve Hüseyin Çelebi b. Mehmed nâm kimesneler ta‘rîfleriyle mu‘arrefe olan Hadîce bt. Mustafa nâm hatun meclis-i şer‘-i hatîr-i lâzımü’t-tevkīrde işbu bâ‘isü’l-kitâb Süleyman Ağa b. Ahmed ve zevce-i menkûhası Âişe bt. Mehmed nâm hatun mahzarında ikrâr-ı tâm ve takrîr-i kelâm edip mezbûrânın sâkine oldukları menzillerine ma‘an on beş gün mikdârı sâkine olmamla mezbûrânın menzilinde bazı eşyâm kalmışidi deyü mezbûrândan taleb ve da‘vâ sadedinde olmuşidim. El-hâletü-hâzihi da‘vâ-yı mezkûremden fâriğa olup husûs-ı mezbûra müte‘allika âmme-i de‘âvî ve kâffe-i mutâlebât ve eymân ve muhâsamâtdan mezbûr Süleyman Ağa ile zevce-i menkûhası mezbûre Âişe Hatun’un zimmetini ibrâ-i âmm-ı râfi‘u’l-hısâm ile ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 3 Zilhicce sene [1]143. Şuhûdü’l-hâl: Mehmed Çelebi b. Hüseyin, Hüseyin Çelebi b. Mehmed, Mehmed Çelebi b. Halil, İsmail Çelebi b. Ahmed, İsmail Çelebi b. Süleyman, Mustafa Çelebi b. Ali, Ahmed Çelebi b. Ali, Ahmed Çelebi b. Mehmed.