Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 288 Hüküm no: 411 Orijinal metin no: [60a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah ile Hüseyin b. Hızır’ın muhalaa ile boşandıkları İşbu bâ‘isü’l-kitâb Âişe bt. Abdullah nâm hatun mahfil-i şer‘-i şerîfde zevci olan Hüseyin b. Hızır nâm kimesne tarafından hul‘-ı âti’l-beyâna vekîl Hacı Kadın Mahallesi’nden İbrahim b. Mehmed Büyük Çekmece’den ve Mehmed Beşe b. Abdullah nâm kimesneler şehâdetleriyle vekâleti sâbite olan Mehmed b. Ahmed mahzarında ikrâr-ı tâm ve bast-ı merâm kılıp zevcem mezbûr Hüseyin zimmetinde olan bin akçe mehr-i müeccelim ve nafaka-i iddet ve meûnet-i süknâm üzerine muhâla‘a edip herbirimiz âharın zimmetini zevciyete müte‘allik da‘vâdan ibrâ ve ıskāt eyledik deyip mezbûr Mehmed vech-i muharrer üzere mezbûre Âişe ile mehr-i müeccel ve nafaka-i iddet ve meûnet-i süknâsı üzere vekâleti hasebiyle muhâla‘a eyleyip zevciyete müte‘allika da‘vâdan zimmetini ibrâ ve ıskāt eyledikde mezbûre Âişe zevci mezbûr Hüseyin’den mübâyine olmağın mâ-vaka‘a bi’t-taleb ketb olundu. Fi’s-sâbi‘ ve’l-ışrîn min-Şa‘bani’l-mu‘azzam li-sene erba‘a ve sittin ve elf. Şuhûdü’l-hâl: Mehmed Efendi b. Hasan, Pîrî Bey b. Hüseyin, İbrahim Çelebi b. Davud, Ali Beşe b. ( ) çukadâr ve gayruhum.