Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 199 Hüküm no: 189 Orijinal metin no: [46b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Mehmed’in cariyesini azat ettiği Itâknâme. Mahmiye-i İstanbul’da Müfti Ali Çelebi mahallesinde sâkin el-Hâc İbrahim b. Mehmed nâm kimesne meclis-i şer‘-i hatîr-i lâzımü’t-tevkīrde rıkkını kendiye mu‘terife olan işbu açık kaşlı elâ gözlü orta boylu Gürciyyü’l-asl Müslimetü’l-mille sahibetü hâzihi’l-vesîka Gülbûy bt. Abdullah mahzarında ikrâr-ı tâm ve takrîr-i kelâm edip ıtk-ı rakabât a‘zam-ı ref‘-i derecât ve vesîle-i duhûl-i cennât-ı âliyât olduğuna âlim ve câzim olmamla binâen-aleyh mevsûfe-i mezbûr[e] Gülbûy nâm câriyemi hasbeten lillâhi te‘âlâ i‘tâk ve tahrîr ve kayd-ı rıkkıyetden itlâk ve harâyir-i asliyât zümresine idrâc ve ilhâk eyledim. Fîmâ-ba‘d mevsûfe-i mezbûre sâir harâyir-i asliyât gibi hürre olup üzerinde velâdan gayri alâkam kalmadı dedikde mâ-vaka‘a bi’t-taleb ketb olundu. Fî 14 Zilhicce sene [1]143. Şuhûdü’l-hâl: el-Hâc Ahmed b. Şa‘ban, Hasan Çelebi b. Ali, Mustafa Ağa b. Süleyman kethudâ-yı dolmacıyân, İbrahim Çelebi b. Osman, el-Hâc Mustafa b. Hasan, Mehmed Çelebi b. Abdullah, Kādızâde İbrahim b. Mustafa.