Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 200 Hüküm no: 190 Orijinal metin no: [47a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Paşa’nın kethudâsı olup hazinece terekesine el konulan Mehmed Paşa’nın Pazaragiden İbrahim’e olan borcunun ödenmesi Sadrazam-ı sâbık merhûm İbrahim Paşa’nın kethudâsı Mehmed Paşa b. el-Hâc Mustafa b. Abdurrahman’ın dâyinlerinden râfi‘u’l-kitâb Pazaragiden İbrahim Bey b. Abdullah meclis-i şer‘-i şerîf-i enverde müteveffâ-yı merkūmun emvâl ve eşyâsı taraf-ı mîrîden kabz olunmağla ashâb-ı hukūk ile mürâfa‘a ve ba‘de’s-sübût düyûnunu îfâya hâlâ Şıkk-ı evvel defterdârı olan > izzetlü Ali Efendi hazretlerinin re’y ve ma‘rifetleriyle kıbel-i şer‘den kayyım nasb ve ta‘yîn olunan Tezkire-i mâliye Merâmî Efendi mahzarında üzerine da‘vâ ve takrîr-i kelâm edip müteveffâ-yı merkūm Mehmed Paşa b. el-Hâc Mustafa b. Abdurrahman’ın emriyle bi-şarti’r-rücû‘ mâlım ile iki buçuk ayda iştir[â] ve matbahlarında kabza [Hükmün buraya kadar olan bölümü 70b-2’de kayıtlıdır. Oradan buraya taşınmıştır .] me’mûr olana teslîm eylediğim za‘aferân ve darçın ve bazincan ve böğrülce ve bamya ve limon semenlerinden bâ-defter-i müfredât bin üç yirmi dokuz guruş zimmetlerinde hakkım müctemi‘ olup hatta müteveffâ-yı merkūm hayatında meblağ-ı mezbûr zimmetlerinde bana vâcib-i edâ deynleri olduğunu alâ-ruûsi’l-işhâd ikrâr ve işhâd edip kable’l-edâ fevt olmağla tereke-i vâfiyesinden taleb ederim suâl olunup edâsıyla tenbîh olunmak murâdımdır dedikde gıbbe’s-suâl ve akībe’l-inkâr ve isre talebi’l-beyyine udûl-i ahrâr-ı ricâl-i Müslimînden olup müteveffâ-yı merkūmun hayatında etbâ‘ından vekîlharc el-Hâc Mustafa Ağa b. Abdullah ve Osman Efendi b. Mustafa nâm kimesneler li- ecli’ş-şehâde meclis-i şer‘a hâzırân olup istişhâd olunduklarında fi’l-vâki‘ müteveffâ-yı merkūm Mehmed Paşa b. el-Hâc Mustafa b. Abdurrahman hayatında iki buçuk ayda matbahıma mezbûr Pazaragiden İbrahim mâlıyla iştirâ ve mahâllinde kabza me’mûr olana teslîm eylediği za‘ferân ve darçın ve bazincan ve böğrülce ve bamya ve limon semenlerinden merkūm Pazaragiden İbrahim zimmetinde bin üç yüz yirmi dokuz guruş vâcibü’l-edâ deynimdir deyü bizim huzûrumuzda ikrâr ve bizi işhâd etmişidi. Biz < bu husûsa bu vech üzere şâhidleriz şehâdet dahi ederiz deyü her biri edâ-i şehâdet-i şer‘iye eyledikde ba‘de’t-ta‘dîl ve’t-tezkiye şehâdetleri makbûle olmağın gıbbe’t-tahlîfi’l-mu‘teber mûcebiyle ba‘de’l-hükm ve’t-tenbîh mâ-vaka‘a bi’t-taleb ketb olundu. Fi’l-yevmi’l-hâdî aşer min-Zilka‘de li-sene 1143 Şuhûdü’l-hâl: eş-Şâhidûnü’l-hâzırûn.