Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 221 Hüküm no: 213 Orijinal metin no: [53b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. Mehmed’in İslambey mahallesinde bulunan ve istiğlâl yoluyla vakfa sattığı evini geri aldığı Fekk-i rehin. Dergâh-ı âlî dâme mahfûfen bi’l-meâli yeniçerilerinin altıncı sekbânlarının mühimmâtlarına mevkūfe nukūdun bi’l-fi‘il mütevellîsi olan el-Hâc Ahmed Ağa b. Mehmed meclis-i şer‘-i şerîf-i enverde işbu bâ‘isü’l-kitâb el-Hâc İsmail b. el-Hâc Mehmed mahzarında bi’t-tevliye ikrâr ve takrîr-i kelâm edip mezbûr el-Hâc İsmail bundan akdem yedinde mülkü olup medîne-i Hazret-i Ebî Eyüb el-Ensârî aleyhirahmeti’l-Bârî mahallâtından İslâm Bey mahallesinde vâki‘ lede’l-ahâlî ve’l-cîrân ma‘lûmü’l-hudûd ve’l-müştemilât menzilini bana yüz yirmi guruş semen-i medfû‘ ve makbûza bi-tarîkı’l-istiğlâl bey‘ ve teslîm ben dahi ber-vech-i muharrer iştirâ ve tesellüm etmişidim. Hâlâ mezbûr el-Hâc İsmail meblağ-ı mezbûr yüz yirmi guruşu tamamen bana edâ ve teslîme ben dahi bi’t-tevliye yedinden ahz u kabz ve menzil-i mezkûru fekk eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 22 min-Zilhiceti’ş-şerîfe sene [1]143. Şuhûdü’l-hâl: Fahrü’l-müderrisîn Osman Efendi b. Şa‘ban, Fahrü’l-müderrisîni’l-kirâm es-Seyyid Osman Efendi, Rûhî Efendi b. Ahmed Efendi, Hasan b. Hüseyin.