Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 291 Hüküm no: 416 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müstedam Bey’in, el-Hâc Selim’in kahve bahasından olan alacağına kefil olduğu Ayasofya-i kebîr kurbünde sâkin Müstedam Bey b. Abdullah mahfil-i kazâda tüccâr-ı zevi’l-iktidârdan işbu bâ‘isü’l-kitâb el-Hâc Selim b. Cum‘a mahzarında ikrâr u i‘tirâf edip Şam Trablusu kazâsından munfasıl olan kıdvetü’l-ulemâi’l-kirâm Mustafa Efendi b. el-müvellâ el-merhûm Salih Efendi’nin târîh-i kitâbdan bir sene mukaddem her vakıyyesi birer buçuk esedî guruşa olmak üzere merkūm el-Hâc Selim’den iştirâ ve tesellüm eylediği bin vakıyye kahve bahâsından bin beş yüz <> ve yine birer buçuk guruşa olmak üzere hâlâ iştirâ ve tesellüm eylediği bin vakıyye kahve bahâsından târîh-i kitâbdan sekiz ay tamamına değin müeccel ve mev‘ûd bin beş yüz ki cem‘an üç bin esedî guruş deyninin cem‘îsine emr ve kabûlü hâviye kefâlet-i sahîha-i şer‘iyye ile ben kefîl bi’l-mâl oldum dedikde gıbbe’t-tasdîk ve’t-taleb mâ-vaka‘a ketb ü sebt olundu. Fî-13 min-Şa‘bani’l-mu‘azzam sene 1064. Şuhûdü’l-hâl: İbrahim Çelebi b. Davud, Mehmed Çelebi b. Hüseyin, Pîrî Beşe b. Ali, Ali Beşe.