Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 246 Hüküm no: 247 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hasan ile Mustafa’nın muhâlaa yoluyla boşandıkları Muhâla‘a. Mahmiye-i İstanbul’da Hoca Gıyaseddin mahallesi sâkinelerinden olup zâtı el-Hâc Ali b. Hasan ve Kasım Mehmed b. Hüseyin nâm kimesneler ta‘rîfleriyle mu‘arrefe olan Âişe bt. Hasan nâm hatun meclis-i şer‘-i şerîf-i enverde zevc-i dâhilim işbu râfi‘u’l-kitâb el-Hâc Mustafa b. Mustafa nâm kimesne mahzarında ikrâr-ı tâm ve takrîr-i kelâm edip mezbûr el-Hâc Mustafa zevcim olup beynimizde hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve kendiye medfû‘um olan beş guruş kıymetli bir müsta‘mel ferâce bedel-i hul‘ olmak üzere zevcim mezbûr el-Hâc Mustafa ile muhâla‘a-i sahîha-i şer‘iye ile muhâla‘a eylediğimde ol dahi hul‘-ı mezkûru ba‘de’l-kabûl hukūk-ı zevciyete müte‘allika âmme-i da‘vâdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 21 min-Zilhicce sene [1]143. Şuhûdü’l-hâl: el-Hâc Ali b. Hasan, Küçük Mehmed b. Mustafa, Hüseyin Çelebi b. Mustafa, Mehmed Çelebi b. Abdullah, Mehmed Çelebi b. Mustafa, İbrahim Çelebi b. Mustafa, Kasım Mehmed b. Hüseyin.