Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 290 Hüküm no: 310 Orijinal metin no: [72b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bir akıl hastasının kuyuya atlayarak öldüğünün keşfi Ma‘rûz. Sâdır olan fermân-ı âlîlerine imtisâlen savb-ı şer‘den irsâl olunan Hüseyin Efendi dâ‘îleri derûn-ı arzuhâlde mezkûr müteveffânın üzerine varıp mahallesi imâmı ve ahâlîsi ma‘rifetleriyle a‘zâsını keşf ve nazar eylediklerinde eser-i cerh olmayıp ve birkaç gün mukaddem sevdâsından nâşî cünûn ârız olmağın kendiyi menzilinde vâki‘ bi’r-i mâya ilkā ve bi-emrillâhi te‘âlâ vefât eylediğini Müslimûn-ı mezkûrûn ba‘de’l-ihbâr cenâzesini ref‘ ve defne veresesine tenbîh eylediğini mevlânâ-yı mezbûr mahâllinde ketb ve tahrîr ba‘dehû ma‘an ba‘s olunan ümenâ-i şer‘le meclis-i şer‘a gelip inhâ eylediklerini Bâb Mahkemesi’nde tescîl olunduğu huzûr-ı âlîlerine i‘lâm olundu. Fî-gurreti Zilhicce sene [1]143.