Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 297 Hüküm no: 325 Orijinal metin no: [74a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar dükkânını almaktan vazgeçen Bedros’a bedelin iadesi Ma‘rûz. Muhzır Kasım mübâşeretiyle Bâb Mahkemesi’ne ihzâr olunan Gabriyel zimmîden hasmı Bedros zimmî meclis-i şer‘de târih-i i‘lâmdan beş gün mukaddem merkūm Gabriyel müste’cir olduğu bir bâb attar dükkânı gedik olmak şartıyla otuz altı guruş bir zolata semen-i medfû‘ ve makbûza bana bey‘ ben dahi ber-vech-i muharrer iştirâ etmişidim. Hâlâ akd-i mezkûrun fesâdına binâen meblağ-ı mezbûr otuz altı guruş bir zolatayı taleb ederim deyü da‘vâ ol dahi ikrâr ve i‘tirâf etmeğin mûcebince meblağ-ı mezbûr otuz altı guruş bir zolatayı müdde‘î-yi merkūm Bedros’a edâ ve teslîme mezbûr Gabriyel’e tenbîh olunduğu huzûr-ı âlîlerine i‘lâm olundu. Fî 7 Zilhicce sene [1]143.